ՃԱՆԱՉԵԼ ԻՄԱՍՏՈՒԹՅՈՒՆ ԵՒ ԶԽՐԱՏ, ԻՄԱՆԱԼ ԶԲԱՆՍ ՀԱՆՃԱՐՈՅ
  Սկզբնաէջ      
  
 

     09.06.2009թ.

       
Ի արձագանք «Առավոտ» թերթում 28.05.2009 թողարկման մեջ « Հարատևման» հաղորդագրության փոքր-ինչ խմբագրությամբ հրապարակման, «Հարատևման» հանձանխումբը իր շնորհակալության հետ խնդրել էր խմբագրությանը ուղղել մեկ-երկու վրիպումները: Ինչ-ինչ պատճառներով այդ խնդրանքը նկատի չի առնված, ուստի «ԷՈՒԹՅՈՒՆ» կայքի խմբագրությունը «Առավոտ» -ին ուղղված այդ գրությունը սիրով հրապարակում է այստեղ, հետագա թյուրիմացություններից խուսափելու համար:
                                                                                                       «ԷՈՒԹՅՈՒՆ» ԿԱՅՔԻ ԽՄԲԱԳՐՈՒԹՅՈՒՆ

    «Առավոտ» թերթի հարգելի խմբագրություն,

    Ձեր 2009-05-28 համարի «Հայդ պարկ» հաղորդագրության մեջ սահել է երկու վրիպում:

    - «Ազատ հայեր» խմբակցությունը ոչ թե ստեղծել է նոր մի կազմակերպություն` այլ վերաճել է «Հարատևում» ոգե-գաղափարական հոսանքի, ստանձնելով նոր առաքելություն և փոխելով իր անվանումը, որովհետև այդպիսինը, պարզվեց, արդեն կա:

    - Ա. Վարպետյանը ոչ թե միջոցառման նախաձեռնողն է` այլ միայն մտահղացման հեղինակը և շարքային մասնակիցը:

    Ընդունեք, որ սրանք այնքան էլ աննշան չեն, հակառակ դեպքում ձեր հեգնանքին չէին արժանանա: Հետագա շփոթություններից խուսափելու համար, խնդրում ենք նույն բաժնում զետեղել այս երկտողը:

    Երկու հրապարակումների համար էլ հայտնում ենք մեր շնորհակալությունը:

                                                                                                     «Հարատևման» հանձնախումբ
 
ՀԱՂՈՐԴԱԳՐՈՒԹՅՈՒՆ


 

        ԼՈՍ ԱՆՋԵԼԵՍ: Կիրակի օրը, 2009 թ. մայիսի 17-ին, կայացավ «Հարատևում» բնորոշմամբ ընկերակցության պաշտոնական առաջին և հիմնադիր հավաքը, ստեղծելով ազգային և էթնոմշակութային պահպանության հայկական Կենտրոն: Նախաձեռնությունը մտահղացված է ծագումնաբան, ազգաբան, և էաբան Ալեքսանդր Վարպետյանի կողմից (Ֆրանսիա, ք. Մարսել):  Նա հավաքին հրավիրվեց ինտերնետային Skype տեսակոնֆերանսի միջոցով, ինչը հետագայում կարող է ընդգրկել լայն շրջանակներ և այդու թելակարել համասփյուռ արթմնի հայությունը: Ընկերակցությունը օժտված է հռչակագրով և ըստ էության ջանալու է ամրագրել հայոց պատմական, մշակութային և կրթական ապահովությունը, հարատևման կամքն ու ինքնագիտակցությունը, թեև աշխարհում հայոց փոքրամասնության հանգամանքին և ապագայի անբարենապաստ վիճակագրությանը, և ի հեճուկս հենց այդ: Ըստ էության «Հարատևումը» ոգե-գաղափարական հոսանք է, կոչված շաղկապելու աշխարհասփյուռ այն հայորդիներին, ովքեր միայնակ կամ իրենց շրջանակներով ջանում են պահպանել իրենց ինքնությունը, ազգային կացութաձևը և քաղաքացիական փոխհարաբերությունները հյուրընկալ երկրներում և ազգ ու ազգույթների համաշխարհային օվկիանոսում:

        Երկրորդ: «Հարատևում» ոգե-գաղափարական հոսանքը նպատակ ունի նաև սրբագործելու հայոց լավագույն ու հոգևոր ավանդույթները, բարոյահոգեբանական կերպարն ու արժանապատվությունը` համաձայն քաղաքակիրթ չափանիշների, և քայլելով առաջավոր մարդկության հետ:

        Երրորդ: Հայոց պատմության զգալի մասը խեղաթյուրված է կամ խիստ թերագնահատված: Ուստի, ընկերակցությունը ջանալու է նաև վեր հանել հնագիտական և պատմական ճշմարտությունը, այն ներկայացնելով համամարդկային քաղաքակրթությանը, բոլոր ազնիվ ու պատվավոր ժողովուրդների գիտակից շրջանակներին, և անշուշտ հայ մանուկներին և երիտասարդությանը: Ավելին, «Հարատևումը» նպատակ ունի նպաստել հնագիտական հետազոտություններին, ծագումնաբանական և ազգագրական բացահայտումներին և դրանց տարածմանը, լույս սփռելով հայոց քաղաքակրթության ակունքների վրա:

        Առավել ծանոթանալու համար ընկերակցության նպատակներին և բացահայտելու համար հետաքրքրված հայ մտավորականներին, մասնագետներին (հնեաբան, ազգագրագետ, հասարակագետ, իրավաբան, հոգեբան, քաղաքական գործիչ և այլն)  և ազնվահոգի անձանց, խնդրվում է ծանոթանալ  www.eutyun.org  կայքում զետեղված համապատասխան նյութերին, կամ դիմել կազմակերպությանը  haratevum@gmail.com, կամ  eutyun@gmail.com  հասցեներով:

        Հորդորում ենք բոլոր գիտակից ու հավատավոր հայերին սատարել այս ինքնաբուխ, վերքաղաքական, լոկ նվիրական և զուտ ոգե-գաղափարական հոսանքին և միանալ դրան, գիտականորեն ապահովելու համար հայոց հարատևումը և ճակատագրի փոխանցումը արժանավոր հետնորդներին: Այդ ոչ ոքու ոչինչ չի պարտավորեցնում, բացի իր հոգու կրակը միացնելուց հանուր հոսանքին, իսկ ավելին` ըստ յուրաքանչյուրի նախասիրությունների և ազատ հանձնառությանը:

        Բարի կամքի տեր լրատվամիջոցներին խնդրվում է հրապարակել սույն հաղորդագրությունը, համակրանքի դեպքում` նաև փոխանցել այլոց: