Սկզբնաէջ      
 
 
Սամվել Սևադա
ՀԱՎԱՏՈ ՀԱՆԳԱՆԱԿ
բանաստեղծություն

Տես նաև`

Հյուրասենյակ. Սամվել Սևադա

http://www.samvelsevada.com/


     ՀԱՎԱՏՈ ՀԱՆԳԱՆԱԿ

 
Քայլել անհավատ այս երկնքի տակ
 ու փորձել հավատի կոչել անընդհատ
 մարդկանց ու կենդանիներին,
 թռչուններին եւ նույնիսկ ձկներին,
 ավազակներին ու պոռնիկներին,
 ազատներին, ստրուկներին ու կավատներին,
 արդար-մեղավոր-սիրահարներին ...
 եւ նրանց բոլորի գլխին կախված
 անհավատ լուսնին:

 Նույնիսկ տասնութը դեռ չբոլորած
 բոլոր նրանց՝ որոնցից յուրաքանչյուրը
 ավելի քրիստոնյա է,
 քան Հռոմի բոլոր պապերը միասին վերցրած:

 Եվ դա այն ժամանակն է, երբ բոլորս
 անձնագիր ենք ստանում, այն մասին՝
 որ մ ա ր դ ենք,
 այլ ոչ դինոզավր,
 որ հավատ՝ իսկապես, էլ չի մնացել,
 որ հարկավոր է նորից սկսել այն՝
 որ պիտի քայլել
 անհավատ այս լուսնի տակ
 ու փորձել հավատի բերել բոլոր նրանց՝
 ովքեր մինչ այդ արդեն
 հավատացյալ էին Ավելի, քան ...
 եւ հիմա ժամանակն է կարծես,
 քարոզիչներ ուղարկել այլ մոլորակներ,
 մոլորյալ եղբայրներին դարձի բերելու,
 որ բոլորը հավատան Ն Ր Ա Ն,
 ո ր ը` Է,
 եւ վերջապես կարիք չունի
 մեզ նման խաչակիրների ...