| |
Տիեզերքի կենտրոնը յուրաքանչյուրիս
ներաշխարհն է,
այն` աստեղնային «ճերմակ խոռոչներ» դեպի անսահմանություն: |
|
Սույն տարածքը անհատական ոլորտ է,
որտեղ կարտահայտվեն ոմանց խոհերը, իմաստախոսություններն
ու թռուցիկ դիտարկումները ընթացիկ իրադարձությունների,
խնդրականների թե գաղափարների վերաբերյալ:
Հարկ չէ դրանց մեջ անպատճառ խոստովանություններ, դրույթներ թե
մարգարեություններ որոնել: Իսկ եթե
այդուհանդերձ դրանք լինեն, ապա պետք է վստահել ժամանակի
իմաստությանն ու անաչառ ճշմարտությանը:
ԲՈՎԱՆԴԱԿՈՒԹՅՈՒՆ
( N° 9 )
վարից վեր` ըստ հաջորդական ամսաթվերի
19.01.2010թ.-«ОБШИРНЫЙ РАК»
07.01.2010թ.-«Վաղնջագույն
մարդու ԴՆԹ-ն վերծանված է»
01.01. 2010թ.-«ՄԵՆՔ ԵՆՔ, ՄԵՐ ՍԱՐԵՐԸ» |
|
| 19.01.2010թ. |
«ОБШИРНЫЙ
РАК»
Ըստ wikipedia միջազգային հանրագիտարանի և այլ աղբյուների
http://fr.wikipedia.org/wiki/Cancer
Քաղցկեղը բնորոշվում է որպես
օրգանիզմի նորմալ հյուսվածքում բջջային աննորմալ ու անոմիկ1
պրոլիֆերացիա (համասփռում) : Բոլոր այդ բջիջները նույն
կլոն-գենոմի (գեների միագումար, այլորեն` կլան…)
շեղումներ են, որոնք ձեռք են բերում ինքնակիսվելով անվերջ ու
անհսկելիորեն բազմանալու հատկություն: Հիվանդության
զարգացման ընթացքում որոշ բջիջներ կարող են միգրացվել ու
ձևավորել մետաստազներ
(ախտաբանական օջախներ)…
Քաղցկեղի պատճառները կարող են լինել ներքին ( գենոմ, մուտացիա),
ներմուծված վարակիչ agent-ներով
2, և/կամ արտաքին
(սնունդ, ռադիացիա…): Քաղցկեղները լինում են տարատեսակ.
կրծքի, մաշկի, թոքերի, լյարդի, արյան, գլխուղեղի ևն:
Հիվանդության չորրորդ` ծանրագույն փուլը բնորոշվում է
հյուսվածքների և օրգանների տարածուն ախտահարմամբ, հայտնի որպես
սահմռկելի «обширный рак»- լայնարձակ քաղցկեղ: Բուժումը այլևս
իսկապես չկա…
Մահացու հիվանդությունը առավելաբար դրսևորվում է «ներքին օրգաններում» և
տարիքավոր անձանց ու … ազգերի մոտ, բայց ոչ անպատճառ բոլորի:
1անոմիա - հուն. α-բացակա և νόμος / nómos-օրենք,
կարգ, ստրուկտուրա բառակազմությունից, այսինքն` օրենքի ու
կարգի բացակայություն: Եզրը օգտագործվում է նաև
հասարակագիտության մեջ, որպես հասարակական կառույցը
կարգավորող նորմաների քայքայում…
2agent (ագենտ )- անպատճառ գործակալ չէ,
նշանակում է նաև գործոն… |
|
| 07.01.2010թ.
|
«Կապիկներն իմ, կապիկներն իմ, կապիկներն իմ հայրենի»
շարքից
«ՎԱՂՆՋԱԳՈԻՅՆ
ՄԱՐԴՈՒ ԴՆԹ-Ն
ՎԵՐԾԱՆՎԱԾ Է»
http://news.mail.ru/society/3228122/?lang=en&ver=%32%38%34%32
Հղում անելով ИТАР-ТАСС լրատվական գործակալությանը, սույն խորագրով
ռուսական Новости@Mail.Ru կայքը տարածել է կարճ մի
հաղորդագրություն, ըստ որի ռուս-գերմանական գիտնականները կատարել
են կարևորագույն մեկ քայլ եվրոպական ժողովուրդների
ծագումնաբանության վերաբերյալ: Խոսքը վերաբերում է 1954 թ.
Վորոնեժի Մարկինա լեռան մեջ թաղված 20-ամյա երիտասարդի
մնացորդներին, որոնք թվագրվում են մոտ 30 հազարամյա վաղեմիությամբ
և համարվում իբր եվրոպական ժողովուրդներից մեկի վաղնջագույն
ներկայացուցիչը: Ըստ վերլուծական արդյունքների, պեղածոյի
գենետիկական կոդը պատկանում է այսօր երկրագնդի վրա ապրող մի խիստ
սակավաթիվ խմբի, որոնց ներկայացուցիչները առավելաբար հանդիպում են
Եվրոպայում: Ըստ այդմ մակաբերվում է, որ Եվրոպայի բնակեցման
ավանդական տեսությունը Մերձավոր Արևելքից դառնում է թեական, և
իբր վերահաստատվում Ռուսաստանի Դոն գետի հարավային ավազանից
Եվրոպայի բնակեցման և արդի Ռուսաստանը եվրոպական քաղաքակրթության
բնօրրանը լինելու վաղուց ժխտված վարկածը:
Կարճ այս հաղորդագրությունը բազմաշերտ է ու պարունակում է
մի շարք հաճելի ու վիճելի հանգամանքներ:
- Դրանց մեջ ամենահետաքրքրականը
ոսկորոտիքից ԴՆԹ-ի մոլեկուլի վերծանում է, որը ցայսօր հնարավոր էր
միայն քիչ թե շատ պահպանված կենսանյութից: Ուստի, ոսկորոտիքից դրա
արտածումը պետք է համարել հիրավի գիտական մեծ ձեռքբերում, հղի
ազգերի ծագումնաբանության վերաբերյալ լուսաբանումներով և շատ խնդրահարույց հետևանքներով:
- Այն, որ «պեղածոյի» գենետիկական կոդը առավելաբար պատկանում է
եվրոպականների ինչ-որ խմբին, ավելի քան օրինաչափ է: Ի վերջո
«պեղածոն» վստահաբար Homo sapiens է, որոնք 40-60 հազարամյակներ ի
վեր սփռված էին Մերձավոր Արևելքում և Արևմտյան Եվրոպայից
( համասփռումը նաև Միջերկրականով) մինչև սիբիրյան տայգաներ, որտեղից
20 հազար տարի առանջ անցել են ամերիկյան մայրցամաք: Ուստի,
«պեղածոն» «վերին սարի ծաղիկը չէ», վաղը կարող են այլ ու ավելի վաղ
նմուշներ ենթարկվել վերլուծական նույն այդ մեթոդին, կամ
հայտնաբերվել այլերը, իսկ «պեղածոն» լինել եկվոր հենց Մերձավոր
Արևելքից, տարածքը` միմիայն
խաչմերուկներից մեկը: Ի վերջո, արդ 100 հազար տարվա վաղեմիությամբ
հաշվվող Homo
sapiens-ը նույնպես սերվում է Աֆրիկայից, իսկ ռուսական ստեպներ
դժվար թե հայտնվեր ինքնաթիռներով...
- Ցայստեղ խոսքը գնում է միմիայն մարդաբանական հիմքերի մասին, բայց ոչ մի
դեպքում քաղաքակրթական, առավել ևս հնդեվրոպականության, որը
անհամեմատ ուշ միգրացիաների հետևանք է: Այսինքն, հաղորդագրության
մեջ կատարվող շահարկումները շովինիստական երանգավորմամբ
տղայական սպեկուլյացիաներ են, ինչպիսինը միշտ էլ եղել
են, մասնավորապես երկտասնամյակ առաջ Գլեբ ամուսինների ու այլոց կողմից,
որոնք
փորձվում էին Ուրալ տեղանվան մեջ տեսնել արիական Ար ամրատը,
այնտեղ` արիացիների բնօրրանը, կամ
ինչպես Վ. Շերբակովն էր տքնում ա/ուրարատյան Ռուսա արքայանվան մեջ գտնել
ռուս ցեղանվան հիմքը ու դեռ հայերին մեղադրում մարդաբանական
պեղածոների քննախուզումները խափանելու մեջ («Ինչություն» հատոր, էջ 24-37)…
- Եվ վերջին մեկ նկատառում: Այն, որ տարբեր ժողովուրդներ որոնում են իրենց
ծագումնաբանությունը, ջանում կարևորել այն, իրենց երկիրն ու
մշակույթը` բնականոն է: Այն, որ այդ հաճախ արվում է ոչ գիտականորեն
ու դեռ խարդավանքներով` նույնպես, աստվածաշնչյան փչոցներն ու
ցայսօր դրանով ներշնչված միլիարդավոր զանգվածները վկա… Իսկ այն, որ
բուն իրողությունը իր արմատներում պարունակող հինավուրց մի
հանրույթ դրանից անտեղյակ է ու դեռ մտավորական վերնախավը թե
քաղաքական պարագլուխները անտարբեր, կարող էր արտառոց
համարվել, եթե միայն անտեսվեր ծերունական «ալզայմերի» գործոնը: Այլ խոսքով`
ետաճի, որն ինքնին վաղնջականության մեկ արտահայտությունն է:
Կա
գիտական կարծիք, ըստ որի մի քանի միլիարդ տարիներ հետո, Արեգակի
մարման հետ երկրագունդը կվերաբնակեցնեն դինոզավրերն ու անհետացած
կենդանատեսակները: Այսինքն, ամենայն կունենա «Դարձ ի շրջանս
յուր»: Այդ դեպքում, այլաբանական մեր մեկ ասույթը կարող է ստանալ
իրական երանգավորում.
Թերևս այդ կապիկն է առաջացել մարդուց, գուցե հենց
հայից
(սափրագլուխ «գորիլլաները»` հաստատ)…
Առավել ևս նկատի առնելով կապկելու հայոց
արդի հակումները, ափսոս ոչ այս խնդրականում:
* * *
Հ.Գ.- Հարկ ենք համարում պարբերաբար շեշտել, որ մեր
դիտարկումները ունեն միմիայն զուտ գիտական մոտեցումները, ոչ մի
դեպքում շովինիստական, և առավելաբար վերաբերում են համամարդկային
ճանաչողության և էիզմի ակունքներին, դրանց զարգացմանն ու
տիեզերաբանական ապագագիտությանը: Այդ առաքելության մեջ մեր
հայկական ծագումն ու հայերեն արտահայտվելը մի կողմից մեծ արատ են,
այլ կողմից` մեծ առավելություն, գենետիկական հիշողության ու
լեզվամտածողության առումով: |
| 01.01.2010թ.
|
«ՄԵՆՔ ԵՆՔ, ՄԵՐ ՍԱՐԵՐԸ »
 |
|
|
